Retour vers: Romans, nouvelles et contes

L'Òrle dei matins - L'Ambre

ImprimerE-mail
Dos romans corts en occitan- L'evocacion de la Provènça barròca del segle XVII se mescla atal als jorns estreches d'una cronica d'Amor e de Mòrt.
Prix ​​de vente11,50 €
Remise
Résumé du livre

L'òrle dei matins - L'ambre
Joan-Ives Casanòva

Libre de rason de la dolor, e mai letras d'amor per una femma embarrada dins la foliá d'una cambra, L'Òrle dei matins es lo raconte d'una abséncia e d'una revelacion. Abséncia figurada per l'exemple màger de la mòrt d'un enfant ; revelacion viscuda dins la peniténcia e la redempcion pèr l'escritura : la de qualques poëmas abandonats sus lo relais d'un potz. L'evocacion de la Provènça barròca del sègle XVIIen, Provènça negra e malastrosa, se mescla atal als jorns estreches d'una cronica d'Amor e de Mòrt.

L'Ambre, a la seguida, pòt èsser legit coma lo diari d'aquela escritura e de son malaise. Qu'entre aquelas doas pròsas, es plan la cara sorna mas esbleugissenta de l'escritura que se mòstra e s'aprigondís. Coma una necessitat fonsa e reala de la  preséncia del libre e dels libres sempre a s'escriure e a se legir.

Del mateix autor:
Lo remembre dins lo jardin
Lo libre escafat
Lux veneris
L'Enfugida
Frédéric Mistral. L'enfant, la mort, les rêves

 

Auteur
Joan-Ives Casanòva
Date de parution
dimanche 15 décembre 1996 00:00
Nombre de pages
104