Lo remembre dins lo jardin

ImprimerE-mail
Roman en occitan- "s'es totjorn pensat que faliá escriure un roman per estre un escrivan vertadier. L'òrdre dei causas e de la literatura nos dison qu'es una urgéncia estent que lo roman se carga dau mond, retrai una mena de realitat, se farga mirau; se ditz que pòt benlèu cambiar la representacion que n'avèm. Fiat lux in tenebris...(M'agrada tant lo desòrdre...)".

Prix ​​de vente8,00 €
Remise

Lo remembre dins lo jardin
Joan-Ives Casanòva


Après Jonàs (1987), L'Orle dei matins e L'Ambre (1996),Joan-Ives Casanòva, amb Lo Remembre dins lo jardin, contunha son exploracion dels limits d'aqueste mond ont sèm per i passar, qué que ne còsta, nòstras vidas. A la crosada de la votz poetica (aquela de sos libres màgers : Elegias vengudas de Negre e de Mar e, pus recentament, Cap de Creus), del monològ interior e del raconte pus « classic », lo libre se bastís coma un continent a l' encòp afondrat dins lo silenci e a mand de nàisser del fons pus fons d'una mar desconeguda. Mai clarament encara que
dins sos libres precedents, la paraula i viatja a l'entorn de figuras que se pòdon pas oblidar, entre memòrias e anticipacions del viure, coma aitant d'isclas qu'a paupas los mots i tròban de qué téisser lors arquitecturas de carn viva. Aicí, se destriarà especialament,en resson de las Elegias, la preséncia barrutlaira -entre las lengas,los países e las questas amorosas- del poèta Rainer Maria Rilke, qu'aqueste Remembre dins lo jardin pòt n'èstre vist coma la biografia inacababla, traucada de totas las abséncias que lo roman, quand « se carga dau mond », ne fa la soma sens fin.

Del mateix autor:
L'òrle dei matins - L'ambre
Lo libre escafat
Lux veneris
L'Enfugida
Frédéric Mistral. L'enfant, la mort, les rêves

Auteur
Joan-Ives Casanòva
Date de parution
mardi 20 novembre 2001 00:00
Nombre de pages
80